Error message

Missing or incomplete installation of the jReject library! Please follow the instructions from README.txt to get it.
26 Fevral 2016

Fevralın 26-da Azərbaycan Tələbə Şəbəkəsi təşkilatının Çexiyadakı nümayəndəliyinin təşkilatçılığı ilə Praqanın mərkəzi “Náměstí Republiky” meydanında Xocalı soyqırımının 24-cü ildönümü ilə əlaqədar çadır quraşdırılıb.

Azərbaycanın Çexiyadakı səfiri Fərid Şəfiyev Praqanın mərkəzinə toplanmış Azərbaycan icmasının üzvləri, gənclər və mərasimə qatılmış yerli sakinlər qarşısında Xocalı soyqırımı ilə bağlı çıxış edib. O, icma üzvlərini Azərbaycanın haqq səsinin Çexiya ictimaiyyətinə çatdırılmasında fəal olmağa çağırıb.

Daha sonra Xocalı soyqırımının qurbanlarının ruhu bir dəqiqəlik sükutla yad edilib və həlak olmuş soydaşlarımızın xatirəsinə həsr edilmiş simvolik qara şarlar havaya buraxılıb.

Praqanın mərkəzi meydanında quraşdırılmış çadırda Azərbaycan Tələbə Şəbəkəsi təşkilatının nümayəndələri tərəfindən yerli sakinlərin diqqətinə Xocalı soyqırımı haqqında məlumatlar təqdim edilib, müvafiq məlumat vərəqləri və broşürlər paylanılıb. Eyni zamanda, quraşdırılmış monitor vasitəsilə Xocalı soyqırımı haqqında videoçarxlar nümayiş etdirilib.